2014 جىلعى 14 قازان, استانا قالاسى
«قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى» مەملەكەتتىك مەكەمەسىنىڭ ەرەجەسىن بەكىتۋ تۋرالى
«نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسىنىڭ زاڭىنىڭ 29-بابى 1-تارماعى 6) تارماقشاسىنا جانە قازاقستان رەسپۋبليكاسىنىڭ ۇكىمەتىنىڭ 2014 جىلعى 30 قىركۇيەكتەگى № 1003 قاۋلىسىمەن بەكىتىلگەن قازاقستان رەسپۋبليكاسىنىڭ مادەنيەت جانە سپورت مينيسترلىگى تۋرالى ەرەجەسىنە سايكەس بۇيىرامىن:
1. قوسا بەرىلىپ وتىرعان «قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى» مەملەكەتتىك مەكەمەسىنىڭ ەرەجەسى بەكىتىلسىن.
2. قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ مەملەكەتتىك تىركەۋدەن وتكەننەن كەيىن ون كۇنتىزبەلىك كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋىن;
3) وسى بۇيرىقتىڭ قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا رەسمي جاريالانعاننان كەيىن ورنالاستىرۋدى قامتاماسىز ەتسىن.
3. «قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى مەملەكەتتىك مەكەمەنىڭ ەرەجەسىن بەكىتۋ تۋرالى» قازاقستان رەسپۋبليكاسى مادەنيەت ءمينيسترىنىڭ مىندەتىن اتقارۋشىنىڭ 2014 جىلعى 19 مامىرداعى № 41 بۇيرىعىنىڭ (نورماتيۆتىك قۇقىقتىق كەسىمدەرىنىڭ مەملەكەتتىك تىزىلىمىندە №9474 تىركەلگەن, «ادىلەت» اقج 2014 جىلعى 29 مامىردا رەسمي جاريالانعان) كۇشى جويىلدى دەپ تانىلسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ مادەنيەت جانە سپورت ۆيتسە-ءمينيسترى م.ا. ازىلحانوۆقا جۇكتەلسىن.
5. وسى بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
مينيستر ا.مۇحامەدي ۇلى.
قازاقستان رەسپۋبليكاسى مادەنيەت جانە سپورت مينيسترلىگىنىڭ
2014 جىلعى 14 قازانداعى №36 بۇيرىعىمەن بەكىتىلگەن
«قازاقستان رەسپۋبليكاسى مادەنيەت جانە سپورت مينيسترلىگىنىڭ
تىلدەردى دامىتۋ جانە قوعامدىق-ساياسي جۇمىس كوميتەتى» مەملەكەتتىك مەكەمەسىنىڭ ەرەجەسى
1. جالپى ەرەجەلەر
1. قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى (بۇدان ءارى – كوميتەت) وزىنە جۇكتەلگەن فۋنكتسيالاردى ىسكە اسىراتىن قازاقستان رەسپۋبليكاسى مادەنيەت جانە سپورت مينيسترلىگىنىڭ (بۇدان ءارى – مينيسترلىك) ۆەدومستۆوسى بولىپ تابىلادى.
2. كوميتەت ءوز قىزمەتىن قازاقستان رەسپۋبليكاسىنىڭ كونستيتۋتسياسىنا, قازاقستان رەسپۋبليكاسىنىڭ زاڭدارىنا, پرەزيدەنتتىڭ جانە قازاقستان رەسپۋبليكاسى ۇكىمەتىنىڭ اكتىلەرىنە, ىشكى نورماتيۆتىك قۇجاتتارعا, وزگە دە نورماتيۆتىك قۇقىقتىق اكتىلەرگە, سونداي-اق وسى ەرەجەگە سايكەس جۇزەگە اسىرادى.
3. كوميتەت مەملەكەتتىك مەكەمەنىڭ ۇيىمداستىرۋشىلىق-قۇقىقتىق نىسانىنداعى زاڭدى تۇلعا بولىپ تابىلادى, وقشاۋلانعان مۇلكى, مەملەكەتتىك تىلدە ءوز اتاۋى جازىلعان ءمورى مەن ءمورتاباندارى, بەلگىلەنگەن ۇلگىدە بلانكىلەرى, سونداي-اق زاڭدارعا سايكەس قازىناشىلىق ورگاندارىندا ەسەپ شوتتارى بولادى.
4. كوميتەت ازاماتتىق-قۇقىقتىق قاتىناستارعا ءوز اتىنان تۇسەدى.
5. كوميتەتتىڭ, ەگەر وعان زاڭدارعا سايكەس ۋاكىلەتتىگى بولسا, مەملەكەتتىڭ اتىنان ازاماتتىق-قۇقىقتىق قاتىناستاردىڭ تارابى بولادى.
6. كوميتەت ءوز قۇزىرەتىندەگى ماسەلەلەر بويىنشا زاڭداردا بەلگىلەنگەن تارتىپپەن توراعانىڭ نەمەسە ونىڭ مىندەتىن اتقارۋشى تۇلعانىڭ بۇيرىقتارىمەن رەسىمدەلەتىن شەشىمدەر قابىلدايدى.
7. كوميتەتتىڭ قۇرىلىمى مەن شتات سانىن قازاقستان رەسپۋبليكاسى مادەنيەت جانە سپورت ءمينيسترىنىڭ كەلىسىمىمەن مينيسترلىكتىڭ جاۋاپتى حاتشىسى بەكىتەدى.
8. كوميتەتتىڭ زاڭدى مەكەن-جايى: 010000, استانا قالاسى, ەسىل اۋدانى, ورىنبور كوشەسى, 8-ءۇي, «مينيسترلىكتەر ءۇيى» عيماراتى, 15-كىرەبەرىس.
9. كوميتەتتىڭ تولىق اتاۋى: «قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى» مەملەكەتتىك مەكەمەسى.
10. وسى ەرەجە كوميتەتتىڭ قۇرىلتاي قۇجاتى بولىپ تابىلادى.
11. كوميتەتتىڭ قىزمەتىن قارجىلاندىرۋ رەسپۋبليكالىق بيۋدجەتتەن جۇزەگە اسىرىلادى.
12. كوميتەتكە ءوزىنىڭ فۋنكتسياسى بولىپ تابىلاتىن مىندەتتەردى ورىنداۋ تۇرعىسىندا كاسىپكەرلىك سۋبەكتىلەرىمەن شارتتىق قاتىناستارعا تۇسۋگە جول بەرىلمەيدى.
13. ەگەر كوميتەتكە قازاقستان رەسپۋبليكاسىنىڭ زاڭنامالىق اكتىلەرىمەن كىرىستەر اكەلەتىن قىزمەتتى جۇزەگە اسىرۋ قۇقى بەرىلسە, وندا مۇنداي قىزمەتتەن تۇسكەن كىرىستەر بيۋدجەتكە جولدانادى.
2. كوميتەتتىڭ نەگىزگى مىندەتتەرى, فۋنكتسيالارى, قۇقىقتارى مەن مىندەتتەرى
14. مىندەتتەرى:
1) تىلدەردى دامىتۋ سالاسىنداعى مەملەكەتتىك ساياساتتى ىسكە اسىرۋ جانە مەملەكەتتىك باقىلاۋدى جۇزەگە اسىرۋ;
2) قازاقستان رەسپۋبليكاسىنداعى قوعامدىق كەلىسىمدى, ىشكى ساياسي تۇراقتىلىقتى نىعايتۋ, مەملەكەتتىك رامىزدەردى پايدالانۋ سالاسىنداعى مەملەكەتتىك ورگانداردىڭ قىزمەتىن ۇيلەستىرۋ;
3) كوميتەتكە جۇكتەلگەن وزگە دە مiندەتتەر.
15. فۋنكتسيالارى:
1) ءتيىستى سالالاردا نورماتيۆتىك قۇقىقتىق اكتىلەردى, سونداي-اق كەلىسىمدەردى, مەموراندۋمداردى جانە كەلىسىمشارتتاردى ازىرلەۋ;
2) قازاقستان رەسپۋبليكاسىندا مەملەكەتتiك تiلدi بارىنشا دامىتۋدى, ونىڭ حالىقارالىق بەدەلiن نىعايتۋدى قامتاماسىز ەتۋ;
3) قازاقستان رەسپۋبليكاسىنىڭ ۇكىمەتى جانىنداعى مەملەكەتتىك ءتىل ساياساتىن ودان ءارى جەتىلدىرۋ, رەسپۋبليكالىق تەرمينولوگيالىق جانە ونوماستيكالىق كوميسسيالاردىڭ قىزمەتىن قامتاماسىز ەتۋ;
4) ورتالىق جانە وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارىندا قازاقستان رەسپۋبليكاسىنىڭ ءتىل تۋرالى زاڭناماسىنىڭ ساقتالۋىن باقىلاۋ;
5) قازاقستان رەسپۋبليكاسىنىڭ تiل تۋرالى زاڭناماسىندا بەلگiلەنگەن تالاپتاردىڭ بۇزىلۋىن جويۋ تۋرالى ۇسىنىمدار بەرۋ;
6) تيiستi ورگاندارعا قازاقستان رەسپۋبليكاسىنىڭ تiل تۋرالى زاڭناماسىنىڭ بۇزىلۋىنا كiنالi لاۋازىمدى ادامدارعا تارتiپتiك جازالاۋ شارالارىن قولدانۋ تۋرالى ۇسىنىستار ەنگiزۋ;
7) تىلدەردى دامىتۋ سالاسىنداعى بىرىڭعاي مەملەكەتتىك ساياساتتى ىسكە اسىرۋ جونىندەگى قىزمەتتىڭ اقپاراتتىق, ادىستەمەلىك قامتاماسىز ەتىلۋىن ۇيىمداستىرۋ;
8) مەملەكەتتىك جانە سالالىق (سەكتورالدىق) باعدارلامالاردى ىسكە اسىرۋ جونىندەگى قوعامدىق ۇيىمدارمەن ءوزارا ءىس-قيمىلداردى جۇزەگە اسىرۋ;
9) تىلدەردى دامىتۋ, iشكi ساياسي تۇراقتىلىقتى, قوعامدىق كەلiسiمدi نىعايتۋعا باعىتتالعان حالىقارالىق, رەسپۋبليكالىق جانە وزگە دە iس-شارالار, اكتسيالار مەن كونكۋرستار وتكiزۋ;
10) مەملەكەتتiك ورگانداردىڭ مەملەكەتتiك الەۋمەتتiك تاپسىرىستى قالىپتاستىرۋ جانە iسكە اسىرۋ جونiندەگi قىزمەتiن ۇيلەستiرۋدi جۇزەگە اسىرۋ;
11) مەملەكەتتiك الەۋمەتتiك تاپسىرىستى قالىپتاستىراتىن جانە iسكە اسىراتىن مەملەكەتتiك ورگاندارعا اقپاراتتىق, كونسۋلتاتسيالىق, ادiستەمەلiك قولداۋ كورسەتۋ;
12) مەملەكەتتiك الەۋمەتتiك تاپسىرىستى iسكە اسىرۋ مونيتورينگiن جۇزەگە اسىرۋ;
13) قازاقستان رەسپۋبليكاسىنىڭ ۇكiمەتiنە مەملەكەتتiك الەۋمەتتiك تاپسىرىستى iسكە اسىرۋ مونيتورينگiنiڭ قورىتىندىلارى بويىنشا اقپارات بەرۋ;
14) مەملەكەتتiك الەۋمەتتiك تاپسىرىستىڭ ءونiم بەرۋشiلەر تiزiلiمiن جۇرگiزۋدi جۇزەگە اسىرۋ;
15) مەملەكەتتiك الەۋمەتتiك تاپسىرىس سالاسىنداعى ەلەكتروندىق اقپاراتتىق رەسۋرستاردى قۇرۋ جانە ولاردىڭ جۇمىس iستەۋiن قامتاماسىز ەتۋ, قازاقستان رەسپۋبليكاسىنىڭ زاڭناماسىنا سايكەس جەكە جانە زاڭدى تۇلعالاردىڭ ولارعا قول جەتكiزۋiن ۇيىمداستىرۋ;
16) ۇلتتىق ستاندارتتارعا سايكەس كەلمەيتiن قازاقستان رەسپۋبليكاسىنىڭ مەملەكەتتiك تۋىن, مەملەكەتتiك ەلتاڭباسىن اۋىستىرۋ جانە جويۋ قاعيدالارىن ازiرلەۋ;
17) قازاقستان رەسپۋبليكاسىنىڭ مەملەكەتتiك تۋىن, مەملەكەتتiك ەلتاڭباسىن جانە ولاردىڭ بەينەلەرiن, سونداي-اق قازاقستان رەسپۋبليكاسىنىڭ مەملەكەتتiك ءانۇرانىنىڭ ءماتiنiن ورنالاستىرۋ جانە پايدالانۋ قاعيدالارىن ازiرلەۋ;
18) ونوماستيكالىق كوميسسياسىنىڭ جۇمىسىن ۇيلەستىرۋ;
19) رەسپۋبليكالىق بيۋدجەتتىك باعدارلامالاردى ىسكە اسىرۋ;
20) مەملەكەتتىك ساتىپ الۋ سالاسىنداعى قىزمەتتى جۇزەگە اسىرۋ;
21) ۇكىمەتتىك ەمەس ۇيىمدارمەن ءوزارا ارەكەت جاساۋ;
22) قازاقستان رەسپۋبليكاسى پرەزيدەنتى جانىنداعى مەملەكەتتىك رامىزدەر جونىندەگى رەسپۋبليكالىق كوميسسيانىڭ جۇمىسىن, قازاقستان رەسپۋبليكاسىنىڭ ۇكىمەتى جانىنداعى ۇكىمەتتىك ەمەس ۇيىمدارمەن ءوزارا ارەكەت جونىندەگى ۇيلەستىرۋ كەڭەسىنىڭ قىزمەتتەرىن قامتاماسىز ەتۋ;
23) قازاقستان حالقى اسسامبلەياسىندا وتىرىس وتكىزۋدى ۇيىمداستىرۋعا قاتىسۋ;
24) قوعامدىق-ساياسي احۋال جونىندە جەرگىلىكتى اتقارۋشى ورگاندارمەن ءوزارا ارەكەت, ىشكى ساياسات سالاسىنداعى نەگىزگى باعىتتار بويىنشا اقپاراتتىق-تالداۋ ماتەريالدارىن دايىنداۋ;
25) كوميتەت قۇزىرەتiنە جاتاتىن ماسەلەلەر بويىنشا ءتۇسiندiرۋ جۇمىستارىن جۇزەگە اسىرۋدى قامتاماسىز ەتۋ;
26) كوميتەت قۇزىرەتiنە جاتاتىن ماسەلەلەر بويىنشا اقپاراتتىق-ناسيحاتتاۋ iس-شارالارىن جۇزەگە اسىرۋ;
27) كوميتەت قۇزىرەتىنە جاتاتىن ماسەلەلەر بويىنشا ستراتەگيالىق جانە باعدارلامالىق قۇجاتتاردى ازىرلەۋگە قاتىسۋ;
28) زاڭنامادا بەلگىلەنگەن شارتتاردا جانە تارتىپتە اكىمشىلىك قۇقىق بۇزۋشىلىقتار تۋرالى حاتتامالاردى جاساۋ;
29) قازاقستان رەسپۋبليكاسىنىڭ زاڭدارىندا, قازاقستان رەسپۋبليكاسىنىڭ پرەزيدەنتi مەن ۇكiمەتiنiڭ اكتiلەرiندە كوزدەلگەن وزگە دە فۋنكتسيالاردى جۇزەگە اسىرۋ.
16. قۇقىقتارى مەن مىندەتتەرى:
1) ءوز قۇزىرەتى شەگىندە قۇقىقتىق اكتىلەردى قابىلداۋ;
2) مەملەكەتتىك ورگانداردان, ۇيىمداردان, ولاردىڭ لاۋازىمدى ادامدارىنان زاڭنامادا بەلگىلەنگەن تارتىپپەن قاجەتتى اقپاراتتى جانە ماتەريالدى سۇراتۋ جانە الۋ;
3) قازاقستان رەسپۋبليكاسىنىڭ زاڭناماسىن ساقتاۋ;
4) كوميتەتتىڭ جانىنان كونسۋلتاتيۆتىك-كەڭەسشى ورگانداردى قۇرۋ;
5) كوميتەتتىڭ قۇزىرەتى شەگىندە كونكۋرستاردى, فەستيۆالداردى, كونفەرەنتسيالاردى, سەمينارلار جانە باسقا ءىس-شارالاردى ۇىيمداستىرۋ جانە وتكىزۋ;
6) تىلدەردى جانە قوعامدىق-ساياسي جۇمىستى دامىتۋعا ەڭبەگىن سىڭىرگەن تۇلعالاردى مەملەكەتتىك ناگرادالارعا ۇسىنۋعا ۇسىنىس ەنگىزۋ;
7) قازاقستان رەسپۋبليكاسىنىڭ قولدانىستاعى زاڭناماسىندا كوزدەلگەن وزگە دە قۇقىقتاردى جۇزەگە اسىرۋ.
3. كوميتەتتىڭ قىزمەتىن ۇيىمداستىرۋ
17. كوميتەتتى قازاقستان رەسپۋبليكاسىنىڭ زاڭدارىمەن بەلگىلەنگەن تارتىپكە سايكەس قازاقستان رەسپۋبليكاسى مادەنيەت جانە سپورت ءمينيسترى قىزمەتكە تاعايىندايتىن جانە قىزمەتتەن بوساتاتىن توراعا باسقارادى.
18. كوميتەت توراعاسىنىڭ قازاقستان رەسپۋبليكاسى زاڭناماسىنا سايكەس جاۋاپتى حاتشى قىزمەتكە تاعايىندايتىن جانە قىزمەتتەن بوساتاتىن ءۇش ورىنباسارى بولادى.
19. كوميتەت توراعاسى كوميتەتكە باسشىلىق ەتۋدى جۇزەگە اسىرادى, كوميتەتكە جۇكتەلگەن مىندەتتەردىڭ ورىندالۋى مەن ونىڭ ءوز فۋنكتسيالارىن جۇزەگە اسىرۋى ءۇشىن دەربەس جاۋاپتى بولادى.
20. كوميتەت توراعاسى:
1) ءوزىنىڭ ورىنباسارلارىنىڭ مىندەتتەرى مەن وكىلەتتىلىكتەرىن انىقتايدى; 2) كوميتەتتىڭ قۇرىلىمدىق بولىمشەلەرى ەرەجەسىن بەكىتەدى;
3) كوميتەتتىڭ توراعا ورىنباسارلارىنان باسقا, كوميتەت قىزمەتكەرلەرىن قىزمەتكە تاعايىندايدى جانە قىزمەتتەن بوساتادى;
4) كوميتەتتىڭ توراعا ورىنباسارلارىنان باسقا, كوميتەت قىزمەتكەرلەرىنىڭ ءىسساپار, ەڭبەك دەمالىسىن بەرۋ, ماتەريالدىق كومەك كورسەتۋ, دايارلاۋ (قايتا دايارلاۋ), بىلىكتىلىگىن ارتتىرۋ, ىنتالاندىرۋ, ۇستەماقىلار تولەۋ جانە سىياقى بەرۋ, سونداي-اق تارتىپتىك جاۋاپكەرشىلىگى ماسەلەلەرىن شەشەدى.
5) ءوز قۇزىرەتى شەڭبەرىندە كوميتەتتىڭ بۇيرىقتارىنا قول قويادى;
6) مەملەكەتتىك ورگانداردا جانە وزگە دە ۇيىمداردا ءتيىستى زاڭناماعا سايكەس كوميتەت وكىلى بولادى;
7) كوميتەتتە سىبايلاس جەمقورلىققا قارسى ارەكەتكە باعىتتالعان شارالار قابىلدايدى جانە سىبايلاس جەمقورلىققا قارسى قابىلدانعان شارالارعا دەربەس جاۋاپتى بولادى;
8) تىلدەردى دامىتۋ مەن قوعامدىق-ساياسي جۇمىستارعا بەلسەنە قاتىسقان تۇلعالارعا قۇرمەت گراموتالارىن جانە العىس حاتتاردى بەرۋ جونىندەگى ماسەلەلەردى شەشەدى;
9) ءوز قۇزىرەتى شەڭبەرىندە باسقا دا ماسەلەلەر بويىنشا شەشىم قابىلدايدى.
21. توراعا جۇمىستا بولماعان جاعدايدا كوميتەت قىزمەتىنىڭ جالپى باسشىلىعى مەن كوميتەتكە جۇكتەلگەن مىندەتتەردى ورىنداۋعا جانە ونىڭ ءوز فۋنكتسيالارىن ىسكە اسىرۋعا دەربەس جاۋاپكەرشىلىكتە بولۋ توراعا ورىنباسارلارىنىڭ بىرىنە جۇكتەلەدى.
22. كوميتەتتىڭ كونسۋلتاتسيالىق كەڭەسشى ورگان بولىپ تابىلاتىن القاسى بولۋى مۇمكىن. القانىڭ ساندىق جانە جەكە قۇرامىن توراعا بەكىتەدى.
23. كوميتەت قىزمەتىن ۇيىمداستىرۋ بويىنشا باسقا دا ماسەلەلەر قازاقستان رەسپۋبليكاسى نورماتيۆتىك قۇقىقتىق اكتىلەر, مينيسترلىك جانە كوميتەتتىڭ بۇيرىقتارىمەن رەتتەلەدى.
4. كوميتەتتىڭ مۇلكى
24. كوميتەتتىڭ جەدەل باسقارۋ قۇقىعىنداعى وقشاۋلانعان مۇلكى بولادى.
كوميتەت مۇلكى وعان مەملەكەت بەرگەن م ۇلىكتىڭ ەسەبىنەن قالىپتاسادى, سونداي-اق قۇنى كوميتەتتىڭ تەڭگەرىمىندە كورسەتىلەتىن وزگە دە م ۇلىكتەردەن تۇرادى.
25. كوميتەتكە بەكىتىلىپ بەرىلگەن م ۇلىك رەسپۋبليكالىق مەنشىككە جاتادى.
26. كوميتەتتىڭ وزىنە بەكىتىلگەن م ۇلىكتى, قازاقستان رەسپۋبليكاسى زاڭدارىندا وزگەشە بەلگىلەنبەسە, ءوز بەتىمەن يەلىكتەن شىعارۋعا نەمەسە وعان باسقا دا جولمەن بيلىك ەتۋىنە جول بەرىلمەيدى.
5. كوميتەتتى قايتا ۇيىمداستىرۋ جانە تاراتۋ
27. كوميتەتتى قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ زاڭنامالارىنا سايكەس جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 17 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9807 بولىپ ەنگىزىلدى.